宜家系凌晨3:35，再次失眠，我唔记得已经系第几日了，大概放假后开始吧.......

每晚上都做差唔多的梦，每次都系梦中惊醒再无法入眠。

奇怪的只系，梦，并非噩梦，梦见的，反而系过去发生的种种甜蜜的回忆。

但系梦每到开心时就会惊醒，醒来后心里面感觉一阵空虚。

想到以后将要分离的现实，心出奇地难受，一种被揪着的感觉，根本无法再次入眠。

好难受。。。。。。。

经过咗9个月嘅时间，呢度将要执笠啦～～～

哈～唔算係执笠嘅～～只不过係迁店遮，新嘅店址係http://spaces.msn.com/members/jimmy0421/

呢度将会封存起身

今日真係好care冻啊~~~如果唔係因为约左班小学同学出来,我都唔会出街啊。
约好一点係黄花小学门口等，好彩大家都比较准时，1点3就人齐了，除左放飞机嘅几个。
看门口嘅保安哥哥认真好人，咁大班人都肯放我地入去都行下，仲帮我地揸相机影埋相添。哈！
唉，黄花小学真係好大变化，虽然仲係好细，但係就靓左好多。

下午我地一大班人去左绿茵阁坐低饮杯嘢倾下计咁。
咁耐无见，大家都大个左好多，外表上改变都几大，可能係街撞到都唔认得。
而且好似个个都活得精彩咁，有人已经准备紧话结婚，有人揾左个外国人（讲鬼佬好似唔係好礼貌。。。。）男朋友，
有人变到成个老细咁款，有人。。。有人。。。。。

唉，转眼就过左八年有多，宜家都就来大学毕业了；

谂起小学嘅人和事：
因为去游戏机室俾老师发现而罚留堂，
因为一个好朋友嘅去世（遇溺）而好多晚唔敢关灯瞓觉，
因为同某某女生关系比较好，就俾人话“沟女”，
因为“鬼屋”而俾老师係班会课罚企，
因为某同学整蛊老师，全班人都俾呢个可恶嘅欧巴桑留堂到晚黑7点几！（搞到我嗰晚无得睇五星战队！）
因为。。。唔记得因为乜嘢，俾个女生从一个2米平台撞左落来，跌到一个星期翻唔到学。。。。。。
因为。。。。。。。
好多好多

谂起呢一切，感觉并唔遥远，就好似早两日发生嘅事一样。

顶,居然突然间变冻,我净係着左两件衫翻去,差D就冻到我直左啦..................

PS:唉~~~部手机仲未有得攞噶~~~~

好耐,真係好耐,好耐都未上过来了,甚至我都已经忘记左呢度..........
好大原因係因为自己太懒,係,真係好懒,话乜要考试要复习都係假嘅,上来更新下又洗几多时间?
仲有一个原因就係,我都唔知可以写D乜,日日都公式化嘅生活,唔通日日都写同一样嘢?又可能係我无心留意自己身边嘅事同物啦.

总之,就真係好未更新过呢度啦~~

我谂,呢度可能唔会再有其他人会上来,不过,无所谓啦,我都只係想记低值得我去回忆嘅事,因为我觉得好多嘢係度改变紧,而且都唔係我希望嘅改变